Բասկետբոլ. մեկնարկեց Ջեմմա Իսրայելյանի հուշամրցաշարը

Այսօր Երևանի «Գրանդ Սպորտ» մարզահամալիրում մեկնարկեց 4 թիմերի մասնակցությամբ  հուշամրցաշար՝ նվիրված միջազգային կարգի սպորտի վարպետ, վաստակավոր մարզիչ Ջեմմա Իսրայելանի հիշատակին: Մրցաշարին մասնակցում են Շիրակի, Արարատի, և Երևանի` մինչև 15 տարեկան աղջիկների հավաքական թիմերը, ինչպես նաև Ղազախստանի չեմպիոն «Ակտաու» թիմը: 

Առաջինը խաղահրապարակ դուրս եկան Երևանի և Շիրակի մարզի թիմերը: Խաղի ողջ ընթացքն անցավ երևանցիների բացահայտ առավելությամբ: Նրանք հաղթեցին 55:30 հաշվով:

Մյուս խաղում Ղազախստանի չեմպիոնուհիները առավելության հասան «Արարատ»-ի նկատմամբ՝  62:30 հաշվով:

Վաղը «Ակտաու»-ն կմրցի «Շիրակ»-ի, իսկ «Երևան»-ը՝ «Արարատ»-ի հետ:

Մրցաշարը կավարտվի մարտի 21-ին: