ՀԷՑ-ում խառնաշփոթ է

«Հրապարակը» գրում է. «ՀԷՑ-ի վաճառքի հեռանկարը խառնաշփոթ է ստեղծել «Հայաստանի էլեկտրական ցանցեր» ՓԲԸ-ում, այստեղ ոչ միայն հավելագրումներ են անում, այլեւ մասնաճյուղերի տնօրենները տեղամասային պետերին պարտադրում են ամեն գնով իրենց գրպանից լրացնել պակասորդները. կապ չունի՝ մեղավոր են, թե ոչ:

Խնդիրն այն է, որ կառույցը պարզերես լինի ղեկավարության առաջ, եւ պետերն աշխատանքը չկորցնեն: Հատկապես անմխիթար վիճակում է Կոտայքի մարզը, որտեղ տեղամասային պետերի վրա միլիոնավոր դրամի վճարումներ են դրել:

Փորձեցինք «Գեղամա» մասնաճյուղի տնօրեն Սարգիս Գամբուրյանից պարզել, թե ինչ է կատարվում իրենց մասնաճյուղում, սակայն նա հորդորեց իր հետ «փաստերով» խոսել՝ անուններ նշել, երեւի, որ պարզի, թե ով է իրեն «մատնել»:

Առավել մանրամասն` թերթի այսօրվա համարում:

Հիշեցնենք, որ առաջինը ՀԵՑ-ի սնանկացման եւ վաճառքի մասին գրել է Yerkir.am-ը: Հոդվածներին կարող եք ծանոթանալ` այստեղ: