ՀՊՃՀ ռեկտոր Արա Ավետիսյանն աշխատանքից ազատվելու դիմում ներկայացրեց

ՀՊՃՀ ռեկտոր Արա Ավետիսյանն աշխատանքից ազատվելու դիմում է ներկայացրել. yerkir.am-ի հետ զրույցում ասաց ԿԳՆ նախարարության հասարակայնության հետ կապերի վարչության պետ Արթուր Բաղդասարյանը: Նա տեղեկացրեց նաև, որ նախարարությունն այժմ համապատասխան հրամանն է նախապատրաստում:

Հիշեցնենք, որ առավոտյան Ավետիսյանը մեր թղթակցի հետ զրույցում հերքել էր լուրը` ասելով. «Իմ տեղը նստած` աշխատում եմ»: 

Yerkir.am-ի տեղեկություններով` այսօր Ավետիսյանը գիտխորհրդի նիստի ժամանակ հայտարարել է, որ աշխատանքից ազատվելու դիմում է գրել դեռ նախորդ շաբաթ` ուրբաթ օրը: Խոսքի վերջում Ավետիսյանը շնորհակալություն է հայտնել պրոֆեսորադասախոսական կազմին: 

Ի դեպ, ըստ մեր տեղեկությունների, Ավետիսյանը մի առիթով նշել է, թե համաձայն չէ բուհում վերջերս վերստուգիչ հանձնաժողովի կատարված ուսումնասիրությունների արդյունքում արձանագրված փաստի հետ, համաձայն որի` ոչ նպատակային ծախսեր են հայտնաբերվել բուհում: