Հովիկ Աբրահամյանի որդին միաժամանակ երկու բուհում է սովորում

«Հրապարակը» գրում է.

«Չնայած պնդմանը, որ բնությունը քնում է զավակների մեջ, Աբրահամյանների ընտանիքում այդպես չէ, եթե չասենք` հակառակն է: Ճիշտ է, Արգամիչը գտնում է, թե քաղաքականության համար խելք պետք չէ, այնուհանդերձ, նրա որդին` Արգամը, բացասման բացասման օրենքին հավատարիմ, Օլես Մուխինի պես, որը բելառուսական «չտո, գդե, կոգդա» ակումբի նախագահն է եւ Գինեսի գրքում է հայտնվել համաժամանակյա երկու բուհերում ստացիոնար սովորելու յուր ինտելեկտուալ կարողականության շնորհիվ, նույնպես մտավորական զբաղմունքի տեր է:

Մոսկվաներում, երեւաններում, մխչյաններում, Արարատի մարզում «բիզնես-յանգ» Արգամ Աբրահամյանը դեկտեմբերին ավարտել է Տնտեսագիտական համալսարանի մագիստրատուրան, բայց դրան զուգահեռ, նա համալսարանի իրավաբանական ֆակուլտետում էր սովորում եւ պատրաստում էր յուր դոկտորականը:

Ասում են` վերջին աղմուկից հետո նա «ստիպված» կլինի դոկտորական տիտղոսի շնորհումն անցկացնել հենց Ժող-ում եւ ոչ թե պետական համալսարանում` ազատելով յուր քավոր Ղազինյանին լրագրողների չար-թունավոր հետապնդումից: Հիշեցնենք, որ Ղազինյաններն ու Աբրահամյանները քավոր-սանիկներ են»:

Մանրամասն կարդացեք թերթի այսօրվա համարում: