ԱԺ պատգամավորները մեկ րոպե լռությամբ հարգեցին Ուկրաինայում զոհված մարդկանց հիշատակը

ԱԺ նիստում ՀԱԿ խմբակցության ղեկավար Լևոն Զուրաբյանը առաջարկեց մեկ րոպե լռությամբ հարգել Ուկրաինայում վերջին օրերին ներքաղաքական զարգացումների արդյունքում զոհված տասնյակ քաղաքացիների հիշատակը:

«Առաջարկում եմ, որ մենք պառլամենտում մեկ րոպե լռությամբ հարգենք իշխանության կողմից մահաբեր զենք կիրառելու արդյունքում զոհված մարդկանց հիշատակը: Մենք պարտավոր ենք մեր պառլամենտում հարգել նրանց հիշատակը` ցույց տալով, որ դա դատապարտելի չարիք է»,- ասաց Լևոն Զուրաբյանը:

ԱԺ նախագահը, արձագանքելով Լևոն Զուրաբյանին, ասաց. «Ես դեմ չեմ, որ մենք հարգենք բոլոր զոհերի հիշատակը, և ինչու չհարգենք, ասենք, այն ոստիկանների հիշատակը, որոնք նույնպես զոհվեցին մահաբեր զենք կիրառելու արդյունքում»:

ԱԺ նախագահի գլխավորությամբ` ԱԺ պատգամավորները մեկ րոպե լռությամբ հարգեցին Ուկրաինայում զոհված մարդկանց հիշատակը: