Մինչև 2015-ը չեն սպասում, Էրդողանին քաղաքական դաշտից արագ ուզում են վերացնել. Էրդողանի կուսակից

Թուրքիայում իշխող «Արդարություն և արգացում» կուսակցության Այնթապից պատգամավոր Շամիլ Թայյարը հյուրընկալվել է «հանրային կարծիք» ծրագրին:

Ըստ milliyet-ի` Էրդողանի կուսակիցը մի շարք հայտարարություններ է արել:

«Ծրագրեր են իրականացնում` առանց Էրդողանի Թուրքիա կերտելու համար: Ամեն ինչ անում են, որպեսզի նրան քաղաքական դաշտից վերացնեն: Այդ ուղղությամբ առաջին քայլը նրան նախագահի թեկնածությունից ետ պահելն է: Երկրորդը` ստիպել, որ քաղաքականությունից հեռանա: Եթե կարողանան այսքանը իրականացնել, ամենաուշը 2015-ի սկզբին` Թուրքիան առանց Էրդողանի կմնա: Բայց նույնիսկ չեն համբերում մինչը 2015-ը, ասում են` «արագ հեռացի»: Գեզի այգու ժամանակ չկարողացան դա անել: Դեկտեմբերի 17-ին` նույնպես: Իրենց նպատակին ինչ-որ չափով հասան, սական ոչ ամբողջովին». ասել է Թայյարը: