Անկախ այն բանից՝ սանկցիաներ կան, թե` ոչ, գործատուն կարող է կատարել պարտադիր կուտակային վճարումները. նախարար

Այսօր ԱԺ նիստում «Ժառանգություն» խմբակցության ղեկավար Ռուբեն Հակոբյանը ևս մեկ անգամ խնդրեց ՀՀ աշխատանքի ու սոցիալակալն հարցերի նախարարին պատասխանել այն հարցին, թե կարո՞ղ է աշխատողը հետ պահանջել այն կուտակային պահումները, որը գործատուն արդեն կատարել է: «Իսկ եթե չստանա հետ այդ գումարները, նա կարո՞ղ է դիմել դատարան»,- հետաքրքրվեց պատգամավորը:

ՀՀ աշխատանքի և սոցիալական հարցերի նախարար Արտեմ Ասատրյանը նշեց. «Գործատուն կարող է իրականացնել իր լիազորությունները՝ չնայելով` սանկցիաներ նախատեսված են, թե` ոչ: Ինչ վերաբերում է քաղաքացու իրավունքներին, քաղաքացին իրավունք ունի դիմելու դատարան, բայց ես չեմ կարող ասել, որ եթե դիմի, ինչ վճիռներ կկայացնի դատարանը»: