Ազարովը "Եվրամայդանը" կենդանիների հեղափոխություն է անվանել

Ուկրաինայի վարչապետ  Նիկոլայ Ազարովն այսօր իրավական գնահատական է պահանջել` քաղաքական ակցիաներում երեխաների ներգրավելու հետ կապված. հայտնում է glavcom.ua-ն:

«Ես շոկի մեջ էի, երբ Արհմիությունների տանը գտան 12-ամյա աղջկա, ով 3 շաբաթ հետախուզման մեջ էր։ Այդ ողջ ընթացքում, այսպես կոչված, Մայդանի շտաբի կազմակերպիչները ոչ միայն տեսել էին այդ աղջկան, այլ նաև օգտագործել նրան ինչ-որ աշխատանքների համար։ Առանց փաստաթղթերի երեխային տեղավորել են չգիտես` ինչ բնակարանում, և ոչ ոք չի հետաքրքրվել նրա ճակատագրով ու առողջությամբ։ Պարզվում է՝ Մայդանը լիովին անօրինական և անբարոյական կերպով ներգրավում է անչափահաս երեխաների։ Կենդանիների հեղափոխություն»,- ասել է նա։