Արարատ Աղասյանը վերընտրվել է

Արվեստագիտության դոկտոր, պրոֆեսոր Արարատ Աղասյանը ՀՀ ԳԱԱ նախագահության դեկտեմբերի 27-ի նիստում միաձայն ընտրվեց ՀՀ ԳԱԱ արվեստի ինստիտուտի տնօրեն:

Աղասյանը գլխավորում է ՀՀ ԳԱԱ արվեստի ինստիտուտը 2003-ից: Նրա գիտական գործունեությունը կապված է Արվեստի ինստիտուտի հետ` սկսած 1978-ից` Մոսկվայի Մ. Լոմոնոսովի անվան պետական համալսարանի պատմության ֆակուլտետի արվեստաբանական բաժինը ավարտելուց անմիջապես հետո: Հետազոտությունների հիմնական ոլորտը XIX-XX դարերի հայ կերպարվեստի և քննադատական մտքի պատմությունն է: Արարատ Աղասյանը 8 մենագրության, 70 գիտական հոդվածների հեղինակ է:

Արժանացել է ՀՀ արվեստի վաստակավոր գործչի կոչմանը, պարգեւատրվել ՀՀ պետական մրցանակով, ՀՀ ԳԱԱ «Պատվոգրով», ՀՀ կրթության և գիտության նախարարության Ոսկե հուշամեդալով, ՀՀ մշակույթի նախարարության Ոսկե մեդալով, ՀՀ պաշտպանության նախարարության «Գարեգին Նժդեհ» մեդալով: