Ռուսաստանում 15 տարով կարգելեն օրինախախտ ներգաղթյալների մուտքը

Ազգամիջյան հողի վրա Մոսկվայի Բիրյուլևո շրջանում տեղի ունեցած բախումներից հետո Պետդումայում շարունակում են ապօրինի միգրացիայի խնդրի լուծման ուղիներ որոնել: Հարցի հետ կապված՝  լիբերալ-դեմոկրատներն առաջարկում են արտաքսել և 15 տարով արգելել այն արտասահմանցիների մուտքը Ռուսաստան, ովքեր երկու անգամ չնչին իրավախախտում են թույլ տվել երկրի տարածքում. հայտնում է Известия-ն: Նախագծի հեղինակն է Լիբերալ-դեմոկրատական կուսակցության պատգամավոր Ռոման Խուդյակովը:

«Առաջին խախտման  համար նախատեսվում է տուգանք` 50 հազար ռուբլու չափով: Կրկնակի խախտման համար արտասահմանցիներին կարտաքսեն և 15 տարով կարգելեն  նրանց մուտքը Ռուսաստան»,- պարզաբանել է նախագծի հեղինակը:

Նրա խոսքերով՝ նախագիծը  կներկայացվի Պետդումայի գարնանային նստաշրջանում: