Եկող շաբաթ Ռուսաստան-Ուկրաինա տնտեսական համաձայնագրեր կստորագրվեն

Ռուսաստանը եկող շաբաթ պատրաստվում է մի շարք տնտեսական ու առևտրային համաձայնագրեր կնքել Ուկրաինայի հետ. հայտնում է Газета.Ru-ն՝ վկայակոչելով The Financial Times-ը։

Ըստ թերթի տվյալների՝ ՌԴ նախագահ Վլադիմիր Պուտինի օգնական Յուրի Ուշակովը հայտնել է, որ փաստաթղթերը, որոնց վրա աշխատել են փորձագետներ, կստորագրվեն դեկտեմբերի 17-ին։

Թերթը նաև գրում է, որ Մոսկվան  մտահոգված հետևում է՝ ինչպես են Կիևում շարունակվող բազմահազարանոց բողոքի ակցիաները թուլացնում նախագահ Վիկտոր Յանուկովիչի կառավարության կայունությունը, որը  շարունակում է բանակցություններ վարել Մոսկվայի ու Բրյուսելի հետ` ֆինանսական օգնություն ստանալու նպատակով։