Էդվարդ Նալբանդյանը կհանդիպի Դավութօղլուի հետ

Այսօր Սեւծովյան տնտեսական համագործակցության կազմակերպությունում Հայաստանը փոխանցվող նախագահությունը հանձնեց Բուլղարիային:

ՀՀ արտգործնախարար Էդվարդ Նալբանդյանը պատասխանեց լրագրողների որոշ հարցերի, մասնավորապես` հանդիպելո՞ւ է Թուրքիայի արտգործնախարարի հետ եւ ի՞նչ հարցեր է քննարկելու:

Նալբանդյանը նշեց, որ, այոշ, հանդիպելու է Սեւծովյան տնտեսական համագործակցության բոլոր արտգործնախարարների հետ, այդ թվում` նաեւ Դավութօղլուին, իսկ թե ինչ հարցեր կքննարկվեն, կներկայացվի հանդիպումից հետո:

Լրագրողների դիտարկմանը, որ Թուրքիան ամեն անգամ փորձում է Ղարաբաղյան հակամարտության կարգավորման հարցը կապել հայ-թուրքական հարաբերությունների հետ, Նալբանդյանը պատասխանեց, որ հայ-թուրքական հարաբերությունների կարգավորումը հնարավոր են միայն առանց նախապայմանների: