Մասսայական աբորտների համար Բագրատյանը մեղադրում է ՀՀԿ-ին

ՀԱԿ խմբակցության անդամ Հրանտ Բագրատյանն ԱԺ հայտարարությունների ժամին անդրադարձավ «Էկոնոմիստ» ամսագրում հրապարակված` «Գենդերցիդը Կովկասում» հոդվածին։

«Այդ առումով` Կովկասում ամենաայլանդակ պետությունը դարձել է Հայաստանը։ Մեր երկրում  ծնվում է` 100 աղջկան 130 տղա։ Աղջիկներին մասսայաբար աբորտ են անում։ Սա ամոթ է, և սա աշխարհի վատագույն ցուցանիշն է»,- ասաց ՀԱԿ պատգամավորը։

Նա նշեց, որ հայկական ռադիոն ամեն օր հայտարարում է՝ ասենք՝ հանրապետությունում ծնվել է 50 երեխա՝ 30-ը՝ տղա։ «Ես ձեզ մեղադրում եմ, որպես քաղաքական մեծամասնություն, այս վիճակի համար, դուք սրա համար պատասխանատվություն եք կրում»,- ընդգծեց Հ․Բագրատյանը՝ հավելելով, որ այսօր բոլորն ուզում են տղա ունենալ, որպեսզի քսան տարի հետո իրենց տղան գնա դուրս և պահի իր ծնողներին։

«Մեզ իրոնիայով ձեռք են առնում»,- եզրափակեց խոսքը ԱԺ պատգամավորը։