Եվրախորհրդարանի նախագահը հիասթափված է Հայաստանից

Ըստ europa.eu-ի` Եվրախորհրդարանի նախագահ Մարտին Շուլցը Վիլնյուսում կմասնակցի Արեւելյան գործընկերության գագաթաժողովին, որը կանցկացվի նոյեմբերի 28-29-ը:

Գագաթաժողովի նախօրեին Շուլցն ասել է. «Արեւելյան գործընկերությունը արժեքավոր նախագիծ է, որն ավելի է սերտացնում Եվրամիության և նրա արևելյան հարևանների կապերը` ի շահ դրանց քաղաքացիների` խթանելով ուժեղ տնտեսական, քաղաքական և մշակութային կապեր: Շնորհավորում եմ Մոլդովային եւ Վրաստանին ԵՄ-ի հետ ծրագրված Ասոցացման համաձայնագրերի նախաստորագրման համար: Ես խորապես հիասթափված եմ, որ Հայաստանը և Ուկրաինան հրաժարվել են ստորագրել համաձայնագրերը: Եվ առավել ցավալի է, որ երկրները ընտրության վերանայման որոշումը կայացրել են արտաքին ճնշման տակ: Մենք պետք է հստակ և բարձրաձայն ասենք, որ Ռուսաստանի կողմից գործադրված տնտեսական և քաղաքական ճնշումները` ուղղված արևելյան մեր գործընկերների դեմ, անընդունելի են: Ուզում եմ շեշտել, որ դուռը դեպի ԵՄ մնում է բաց, եւ մենք երբեք չենք հրաժարվի Եվրոպայի հույսերից ու տարածաշրջանի ժողովուրդների ձգտումներից»: