Բանաձևն ընդունվել է իմ բացակայությամբ. Եվրախորհրդարանի նախագահը՝ Դավութօղլուին

Երեկ Եվրախորհրդարանի նախագահ Մարտին Շուլցը զանգահարել է Թուրքիայի վարչապետ Ահմեդ Դավութօղլուին. տեղեկացնում է թուրքական T24-ը:

Հեռախոսազրույցի ժամանակ Դավութօղլուն հայտնել է Հայոց ցեղասպանության մասին ընդունված բանաձևի պատճառով Թուրքիայում առաջացած անհանգստությունների մասին:

Ի պատասխան, Շուլցն ասել է, որ Եվրախորհրդարանն այդ բանաձևն ընդունել է իր բացակայությամբ` ինքը ներկա չի եղել նիստին, նաև հայտնել է, որ հասկանում է Թուրքիայի մոտեցումն ու պատասխան արձագանքն այդ հարցում:

Դավութօղլուն, սակայն, շեշտել է, որ նման «անհիմն» բանաձևի պատճառով ԵՄ-ին Թուրքիայի հասանելիությունն ու երկկողմ հարաբերությունները կարող են վնասվել: