Աշխատում են մեկ միլիոն, տուգանվում` երկու

Խորենացի փողոցում գտնվող «Ոսկու աշխարհ» շուկայում իրավիճակը երեկ խիստ լարված էր. այստեղ վաճառք իրականացնող մարդիկ 2 միլիոն դրամի չափով տուգանվել են, մինչդեռ նրանց ամբողջ ապրանքի գինը հազիվ մեկ միլիոն է կազմում։

«Արդեն վարժվել ենք, որ ոսկին վաճառքի հանելու համար փաստաթղթերի բացակայության կամ նմանատիպ այլ խնդիրների համար տուգանում են, բայց այս անգամ ստուգողները նոր բան են մտածել»,- ասում է Լիլիթը, ով 5 տարի զբաղվում է ոսկու առեւտրով։ Առեւտրականների խոսքով՝ երեկ ստուգողներն սկսել են մանրակրկիտ ուսումնասիրել ոսկու հարգի մասին նշումը, որը վրա խփված «Սասունցի Դավիթ» նշանն է, եթե այն մի փոքր լավ չի երեւում, կամ ինչ-որ բան այդ նշանում թերի է, ապա վաճառողն անմիջապես տուգանվում է։ «Մի կտորի համար տուգանում են 50 հազար դրամ, սակայն ստուգումների ընթացքում տուգանքը հասել է 2 միլիոն  800 հազար դրամի»,- «Հրապարակին» ասել  է մեկ այլ աշխատակից՝ Ալվինա Մուրադյանը։

հոդվածն ամբողջությամբ կարդացեք «Հրապարակի» այսօրվա համարում: