ԵՄ-ի հետ համաձայնագիրը Յանուկովիչի համար հավասարազոր կլիներ ինքնաոչնչացման

Եվրամիությանն ինտեգրվելու գործընթացը կասեցնելու մասին` Ուկրաինայի որոշումը նախագահ Վիկտոր Յանուկովիչի ընտրությունն է: Այդ մասին այսօր գրել է The National Interest-ը. հայտնում է Газета.Ru-ն։

Պարբերականի համար Յանուկովիչի որոշումը զարմանալի չէր։ ԵՄ-ի հետ Ասոցացման համաձայնագրի ստորագրման համար ուկրաինական կառավարությունից կպահանջվեին լուրջ քաղաքական և տնտեսական բարեփոխումներ։

«Այստեղ հիմնական խնդիրներից մեկն այն է, որ երկրի ղեկավարությունը  ղեկավարում և հարստանում է անսահման կլանային կապիտալիզմի և կոռուպցիայի շնորհիվ։ Համաձայնագրի ստորագրումը Յանուկովիչի համար հավասարազոր կլիներ ինքնաոչնչացման»,- ասված է պարբերականի հոդվածում։