Գուցե Ս. Սարգսյանը վերջին պահին փոշմանի՞

 «Ժողովուրդ»-ին հայտնի է դարձել, որ Սերժ Սարգսյանը մտադիր է չմասնակցել վաղը Վիլնյուսում մեկնարկելիք ԵՄ Արեւելյան գործընկերության համաժողովին: Նրա աղբյուրների պնդմամբ՝ հայկական պատվիրակությունը գլխավորելու է ԱԳ նախարար Էդվարդ Նալբանդյանը, եւ Վիլնյուսում նախատեսված է ստորագրել 3-էջանոց հայտարարություն, որտեղ կողմերն արձանագրելու են, որ այս տարիների ընթացքում շատ բան է արվել ՀՀ-ում, եւ ՀՀ-ի առաջ դեպի Եվրոպա դռները փակված չեն:

«Ս. Սարգսյանը ՀՀ եվրաինտեգրացիայի շուրջ բանակցություններ տանելուց եւ վերջին պահին հրաժարվելուց հետո խուսափում է ԵՄ ներկայացուցիչների հետ հանդիպումից, հատկապես վիլնյուսյան համաժողովում, որտեղ պետք է ստորագրվեր ԵՄ-ի հետ ասոցացման համաձայնագիրը: Ի՞նչ իմանաս, միգուցե այնտեղ եվրոպացիները փորձեն նորից համոզել Ս. Սարգսյանին՝ գնալ դեպի Եվրոպա»գրում է  «Ժողովուրդը» և հավելում, որ նախագահականից Ս. Սարգսյանի` Վիլնյուս չմեկնելու մասին լուրը ճշտել չհաջողվեց. «մեր գրավոր հարցը մնաց անպատասխան: Գուցե Ս. Սարգսյանը վերջին պահին փոշմանի՞»,- հարցնում է թերթը: