Պուտինը և Մերկելը որոշել են կիսել Ուկրաինան

Նախօրեին հայտնի դարձավ ՌԴ նախագահ Վլադիմիր Պուտինի և Գերմանիայի կանցլեր Անգելա Մերկելի ՝ ներկա պահին Ուկրաինայի ճակատագրի հիմնական վճռողների ոչ պլանային  հանդիպման մասին. գրում է ukrday.com ուկրաինական պարբերականը:

Ըստ պարբերականի՝ հանկարծակի որոշվեց, որ, Ուկրաինայում վերջին զարգացումների հետ կապված, երկու առաջնորդներին անհրաժեշտ է  հանդիպել և բացատրվել: Ինչպես ասվում է հոդվածում, նախաձեռնությունը եվրոպական կողմինն է: Մերկելը բաց տեքստով հայտարարել է, որ մտադիր է քննարկել Ուկրաինայի ճակատագիրը Պուտինի հետ:

Քաղաքական փորձագետ Դմիտրի Ջանգիրովը նշում է հոդվածում, որ փոխզիջումային տարբերակ կարող է դառնալ Ուկրաինան ազդեցության ոլորտների կիսելը, ինչպես տեղի ունեցավ Երկրորդ համաշխարհային պատերազմի ժամանակ: Քաղաքագետը կողմերի միջև պոտենցիալ պայմանավորվածությունները համեմատում է Մոլոտով-Ռիբենտրոպ պակտի հետ: Նրա կարծիքով՝ Պուտինը և Մերկելը մտադիր են ներառել Ուկրաինան ինչպես եվրոպական տարածությունում, այնպես էլ Մաքսային միությունում, որպեսզի բավարարեն երկու խաղացողների շահերը: