ԵՄ-ն ճնշում է գործադրում Արևելյան գործընկերություն երկրների վրա. Լավրով

ԵՄ-ն ճնշում է գործադրում Արևելյան գործընկերության երկրների վրա՝ ստիպելով նրանց ընտրություն կատարել Ռուսաստանի և եվրաինտեգրման միջև: Այդ մասին հայտարարել է ՌԴ ԱԳՆ ղեկավար Սերգեյ Լավրովը:

«Նրանք գրեթե նույն հայտարարությունն են անում` դուք պետք է ընտրեք՝ կա'մ վերադառնում եք մութ անցյալ, կա'մ մեզ հետ գնում դեպի պայծառ ապագա»,- ասել է նա:

Լավրովի խոսքերով՝ ԵՄ-ում ոչ ոք երբեք չի հնչեցրել այն արտահայտություն, որով իրենք սկսում են Արևելյան գործընկերության վերաբերյալ իրենց դիրքորոշման արտահայտումը` դա յուրաքանչյուր կոնկրետ պետության ինքնիշխան ընտրությունն է: Ոչ մի եվրոպացի պաշտոնյա, ըստ ՌԴ արտգործնախարարի,  չի ասել  դա: