Մշտական սթրեսի մեջ գտնվող ուղեւորները

Նկարում պատկերված բազմությունը Երեւանի կենտրոնական ավտոկայանում է: Ուղեւորները սպասում են Երեւան-Արմավիր երթուղին սպասարկող թիվ 207 երթուղու «ԳԱԶելներին»: Լուսանկարում երեւում է, թե ինչպես են տասնյակ քաղաքացիներ, միմյանց հրմշտելով, մոտենում երթուղայինին:

Արդեն տեւական ժամանակ է, ինչ Արմավիր-Երեւան երթուղին սպասարկող թիվ 207 համարի միկրոավտոբուսներն անկանոն են աշխատում: Ավտոկայարաններում մշտապես մարդկային կուտակումներ են: Թե' առավոտյան Երեւան հասնելու համար են գոյանում նման հերթեր, թե'` երեկոյան տուն գնալիս: Տրանսպորտի հայտնվելուն պես էլ մարդիկ ստիպված են կռիվ տալ` ներսում տեղավորվելու համար: