Ինչո՞ւ է Պիպոյանը դուրս եկել հանձնաժողովից

«Պաշտպանված եւ իրազեկ սպառող» ՀԿ-ի նախագահ Բաբկեն Պիպոյանը  դադարեցրել է մասնակցությունը տրանսպորտի սակագնի բարձրացման հարցով հանձնաժողովի աշխատանքներին և կոչ է անում մյուսներին` հետևել իր օրինակին:

Այսօր լրագրողների ուշադրությունը նա հրավիրեց փոխքաղաքապետ Կամո Արեյանի և քաղաքապետ Տարոն Մարգարյանի հայտարարությունների վրա, թե տրանսպորտի անխուսափելի թանկացման մասին խոսք չի եղել և քննարկվել է միայն ծախսային մասը: Բաբկեն Պիպոյանը մանրամասն հաշվարկներ ներկայացրեց և ցույց տվեց, որ սակագնի բարձրացման կարիք չկա: Նա նշեց, որ 100 դրամով երթևեկելու դեպքում կարելի է շահույթ ստանալ: ՀԿ-ի նախագահն արձանագրեց, որ հիմա հաշվարկներ են կատարում և տեսնում, որ որոշ գծեր նույնիսկ գործող սակագնի պայմաններում 30 դրամ շահույթ են ստանում:

Պիպոյանն առաջարկեց, որ տրանսպորտի հարցը դառնա պետական քաղաքականություն, այլ ոչ թե մնա մասնավորի հույսին: