Վիզաների դյուրացման գործընթացը հեշտ չի լինելու. ԵՄ ներկայացուցիչ

Նախկին արտգործնախարար, պատգամավոր Ալեքսանդր Արզումանյանի կարծիքով` պետք չէ մտահոգվել  «Վիզաների տրամադրումը դյուրացնելու մասին» համաձայնագրի վավերացումից, քանի որ նման փաստաթուղթ ԵՄ պետությունների 50 տոկոսի հետ արդեն ստորագրվել է: Սա պարզապես այդ փաստաթղթերի ամբողջացումն է:

Հայաստանում Եվրոպական միության խորհրդատվական խմբի միգրացիոն հարցերով խորհրդական Էլեոնորա Վերգեերի խոսքով` այն, որ վիզայի տրամադրումը դյուրացվելու է, չի նշանակում, որ այդ գործընթացը շատ հեշտ է լինելու: Ըստ նրա` մարդիկ պետք է գնան դեսպանատներ, ներկայացնեն պահանջվող օժանդակ փաստաթղթերն ամբողջությամբ: ԵՄ ներկայացուցչի խոսքով`  ԵՄ անդամ պետությունները պետք է նաև հստակեցնեն այն դեսպանատների ցանկը, որոնք պետք է դյուրացնեն վիզայի տրամադրման գործընթացը: