Թե ինչպես և ում վրա է կրակում Սուրիկ Խաչատրյանի որդին

Բուդաղյանների ընտանիքի շահերի պաշտպան Հայկ Ալումյանն այսօր լրագրողներին ներկայացրեց, թե ով ում վրա է կրակել Սյունիքի նախկին մարզպետի տան մոտ տեղի ունեցած միջադեպի ընթացքում: Պաշտպանի խոսքով` չմոնտաժված տեսաժապավենից պարզ երևում է, թե ինչպես է Սուրիկ Խաչատրյանի որդին, ով այսօր ազատության մեջ է, դիրքավորվում ավտոմեքենայի հետևում և կրակոցներ արձակում:

Ըստ նրա` նախորդ` մոնտաժված տեսանյութում այդ հատվածն աղավաղված է: Պաշտպանը հայտարարեց, որ դեպքի ամբողջական տեսագրությունը հիմք է տալիս ենթադրելու, որ շենքից կրակոց է եղել: Բացի այդ, ըստ նրա, իր պաշտպանյալ Արտակ Բուդաղյանը ցուցմունք է տվել այն մասին, որ ինքը տնից կրակոց է տեսել, սակայն թե ով է արձակել այդ կրակոցը, չի հասցրել ֆիքսել:

Պաշտպանը հերթական անգամ շեշտեց, որ դեպքի վայրում արձակված վերջին կրակոցի ձայնն էականորեն տարբերվում է մյուս կրակոցների ձայներից: Սակայն փորձագետներն այդ հանգամանքը բացատրել են նրանով, թե տվյալ պահին միաժամանակ հնչել են երկու կրակոցներ, որոնց ձայները միախառնվել են:

Ալումյանը փաստեց, որ Ավետիք Բուդաղյանի մարմնին հայտնաբերված վնասվածքն ունի վերևից ներքև ուղղությունը:

Միջադեպի ընթացքում ով, ինչպես և ում վրա է կրակում` yerkir.am-ի տեսանյութում ցուցադրում է պաշտպանը: