Վա՞ղն էլ չեն ընտրի Կոմպոզիտորների միության նախագահ

Քիչ առաջ ավարտվեց Կոմպոզիտորների միության համագումարը: Համագումարը որոշեց` վաղն առավոտյան` ժամը 11-ին, Կոմպոզիտորների միության դահլիճում տեղի կունենա միության նախագահի ընտրությունը:

Հիշեցնենք, որ միության նախագահի թեկնածություն առաջադրել են երկուսը` միության ներկայիս նախագահ Ռոբերտ Ամիրխանյանը եւ կոմպոզիտոր Արամ Սաթյանը:

Yerkir.am-ի հետ զրույցում Արամ Սաթյանը նշեց, որ համագումարն անցավ ավելի լավ, քան իրենք էին պատկերացնում:

«Անկեղծ ասած` մենք ավելի վատ էինք պատկերացնում: Ի դեպ, հնարավոր է, որ վաղվա ընտրությունը տեղափոխվի հոկտեմբերի 28-ին»,- ասաց Սաթյանը` չմեկնաբանելով ընտրության օրվա տեղափոխման պատճառը: