Սիրիան և Հնդկաստանը եւս ցանկություն են հայտնել միանալ ՄՄ-ին

Արդեն հայտնել էինք, որ երեկ Մինսկում Ռուսաստանի, Ղազախստանի, Բելառուսի ղեկավարների հանդիպման ժամանակ Ղազախստանի նախագահ Նուրսուլթան Նազարբաևն առաջարկել է լուծարել Եվրասիական տնտեսական ընկերակցությունը.

Ղազասխստանի ղեկավարը փոխարենն առաջարկել է Թուրքիայի և Սիրիայի միջոցով ընդլայնել Մաքսային միությունը: Ըստ Նազարբաևի՝ այդ երկրները նույնպես ՄՄ-ին միանալու ցանկություն ունեն: Նազարբաևը բացատրել է իր դիրքորոշումն այն բանով, որ արտասահմանում իրեն հաճախ հարցնում են` «մենք ստեղծում ենք ԽՍՀՄ՞, թե՞ ինչ-որ բան Ռուսաստանի շուրջը»:

Ըստ Комсомольская правда-ի՝ Նազարբաևից հետ չի մնացել նաև Վլադիմիր Պուտինը՝ հայտարարելով, որ Եվասիական միություն մտնելու ցանկություն է հայտնել Հնդկաստանը՝ աշխարհի խոշորագույն տնտեսություններից մեկը:

«Հնդկաստանի վարչապետն ինձ խնդրել է հնչեցնել այսօր Հնդկաստանի և ՄՄ-ի միջև  ազատ առևտրի գոտու պայմանագիր կնքելու հարցը: Կարծում եմ, որ մենք պետք է լրջագույնս մոտենանք այդ հարցին»,- ասել է նա: