Ըստ Amnesty International-ի՝ Մոսկվայում միգրանտների ձերբակալությունները խտրական բնույթ են կրում

Amnesty International միջազգային իրավապաշտպան կազմակերպությունը կասկածներ է հայտնել  Մոսկվայում` Բիրյուլեւոյի շրջանում, ներգաղթյալների զանգվածային ձերբակալությունների օրինականության վերաբերյալ. հայտնում է Интерфакс-ը:

«Ռուս ոստիկանների կողմից սպանության կասկածանքով ավելի  քան հազար ներգաղթյալների զանգվածային ձերբակալությունները խտրական բնույթ կրում են և ակնհայտ է, որ անօրինական են»,-հայտարարել է Amnesty International-ի ռուսական ներկայացուցչության ղեկավար Սերգեյ Նիկիտինը:

Կազմակերպության  հայտարարությունում նշվում է, որ ներգաղթյալները իշխանությունների թողտվության արդյունքում ծայրահեղ խմբավորումների հարձակումների սովորական թիրախ են դառնում: