Խմբից դուրս գալու հնարավորություն դեռ ունենք.Վարդան Մինասյան

Հայաստանի հավաքականի ճակատագիրը` դուրս գալու 2014-ի Աշխարհի ընտրական խմբից,  կորոշվի Իտալացիների հետ եզրափակիչ հանդիպման ժամանակ:  

Հայաստանի ազգային հավաքականի գլխավոր մարզիչ Վարդան Մինասյանը նախախաղային  ասուլիսի ժամանակ խոսել է Հայատսան-Իտալիա հանդիպման և իր սաների շանսերի մասին:

«Հայաստան-Բուլղարիա խաղի ժամանակ Ռոբերտ Արզումանյանը և Արազ Օզբիլիսը վնասվածք ստացան, և միայն մարզումից հետո հայտնի կլինի` նրանք կմասնակցեն խաղին, թե` ոչ:  Ես հավատում եմ մեր թիմին ,քանի որ  մեծ ներուժ ունենք: Ընտրական փուլում մենք բախվեցինք բազմաթիվ խնդիրների, շատ կորուստներ ունեցանք:

  Իտալիայի հավաքականին հաջողություն եմ մաղթում:Բոլոտելին և Ինսինյեն հրաշալի ֆուտբոլիստներ են: Մեր հավաքականը բազմիցս ապացուցել է, որ դրսում ավելի լավ է խաղում,քան տանը:Կարծում եմ, որ մենք ավելի մոտիվացված պետք է լինենք, քան իտալացիները»,- Մինասյանի խոսքն է մեջբերում eurosport.ru-ն:

 Իտալիա-Հայաստան հանդիպումը կկայանա հոկտեմբերի 15-ին, Իտալիայի Նեապոլ քաղաքում: