Հայաստանի ազգային հավաքականը բաց մարզում անցկացրեց

Ֆուտբոլի Հայաստանի ազգային հավաքականը Աշխարհի 2014թ. առաջնության ընտրական փուլի` Բուլղարիայի հետ հանդիպումից առաջ`  ՀՖՖ տեխնիկական կենտրոնում` Ավանի Ֆուտբոլի ակադեմիայում, անցկացրեց առաջին մարզումը, որը բաց էր լրագրողների համար:

Չնայած ցուրտ եղանակին` հայ ֆուտբոլիստները մարզվում էին բարձր տրամադրությամբ:

Հավաքականը մարզվում էր ողջ կազմով: Ներկա չէր միայն Մասիս Ոսկանյանը:

Հիշեցնենք, որ Հայաստանի ազգային հավաքականը Աշխարհի 2014թ. առաջնության ընտրական փուլի շրջանակներում հոկտեմբերի 11-ին` ժամը 20:00-ին, Վազգեն Սարգսյան անվան «Հանրապետական» մարզադաշտում կընդունի Բուլղարիայի ազգային ընտրանուն, որից հետո` հոկտեմբերի 11-ին, Իտալիայի Նեապոլ քաղաքում ուժերը կչափի աշխարհի քառակի չեմպիոն Իտալիայի հետ: