″Կինոաշնան″ մեկնարկը կտրվի Գյումրիում

Վաղը Գյումրիում կմեկնարկի «Կինոաշուն» ազգային կինոյի ամիս» ծրագիրը:

«Կինոաշունն» այս տարի նվիրվում է հայ կինոյի 90-ամյակին: Այդ կապակցությամբ Երեւանի կինոյի ու թատրոնի պետական ինստիտուտում կանցկացվի գիտաժողով: Արտավազդ Փելեշյանի, Ներսես Հովհաննիսյանի, Լեւոն Իսահակյանի եւ Արմեն Միրաքյանի հոբելյաններին նվիրված` կլինեն հետահայաց ցուցադրություններ:

Այս տարի նույնպես հայտարարված է հայկական նոր ֆիլմերի գրախոսականների մրցույթ. գրախոսականների ներկայացման վերջնաժամկետը հոկտեմբերի 25-ն է:

Երեւանում, բացի համայնքներից, ֆիլմեր են ցուցադրվելու «Նաիրի» կինոթատրոնում, «Նարեկացի» արվեստի միությունում, Հ. Մալյանի անվան թատրոնում եւ բուհերում: