Լուսինե Զաքարյանի տան հարցով կդիմեն արդարադատության նախարարին

Այսօր Հանրային խորհրդի մշակույթի ենթահանձնաժողովի հերթական նիստն էր: Քննարկվող հարցերից մեկն էլ երգչուհի Լուսինե Զաքարյանի ֆեյսբուքյան էջի հիմնադիր Վարդուհի Սուքիասյանի ներկայացրած խնդիրն էր` վերածել տուն-թանգարանի Լուսինե Զաքարյանի եւ Խորեն Պալյանի բնակարանը:

Սուքիասյանը նշեց, որ Րաֆֆի Պալյանը` Խորեն Պալյանի եղբորորդին եւ տան ժառանգներից մեկը, երդվել է, որ տունը կվերածի տուն-թանգարանի:

«Խորեն Պալյանի մահվանից անցել է 6 տարի, եւ վերջին շրջանում Պալյանների տունը վերածվել է ավերակի: Դեռ անցած տարի տունը ջրով էր լցվել: Չկան արժեքավոր իրերը, Լուսինե Զաքարյանի սկավառակները»,- ասաց նա:

Ճարտարապետ, Հանրային խորհրդի անդամ Լեւոն Իգիթյանը, հետեւելով իրավաբանի խորհրդին, ասաց, որ կդիմեն ՀՀ արդարադատության նախարարին` ժառանգներին անարժան համարելու եւ տունը պետությանը տալու համար.«Եկեք` դիմենք, տեսնենք` ինչ կասեն»:

Մանրամասները` yerkir.am-ի տեսանյութում: