Եվս մեկ ոսկե մեդալ` Ֆրանկոֆոնիայի 7-րդ մարզամշակութային խաղերում

Հայաստանի մարզիկների հաղթարշավը շարունակվում է Ֆրանկոֆոնիայի 7-րդ միջազգային խաղերում:

Ինչպես yerkir.am-ին տեղեկացրին սպորտի և երիտասարդության հարցերի նախարարությունից, երեկ  ոսկե մեդալ նվաճեց նաև 96 կգ քաշային կարգի ազատ ոճի ըմբիշ Վիկտոր Կազիշվիլին: Երկօրյա մարտում ակնհայտ առավելություններով մրցակիցներից առաջ անցած մեր ըմբիշը եզրափակիչ փուլում ուժերը չափեց կանադացի մարզիկի հետ եւ ավարտեց փայլուն հաղթանակով:

Հիշեցնենք, որ բոլորովին վերջերս` օգոստոսի 17-ին, Սոֆիայում կայացած ազատ ոճի ըմբշամարտի աշխարհի երիտասարդության առաջնության մեկնարկային օրը Կազիշվիլին, նախորդող բոլոր մարտերը ավարտելով ժամանակից շուտ, բարձրացավ պատվո պատվանդանի երկրորդ աստիճանին: Այսպիսով` Հայաստանի ներկայացուցիչները Ֆրանկոֆոնիայի միջազգային խաղերի երրորդ օրն սկսում են արդեն իսկ երեք բարձր նվաճումներով. մեր ոսկե մեդալակիրներն են ազատ ոճի ըմբիշներ Օհան Գիքինյանը (55 կգ), Նարեկ Սիրունյանը(66 կգ), և Վիկտոր Կազիշվիլին (96 կգ):