Գրոհայինները 450 խաղաղ բնակչի են սպանել Սիրիայի հյուսիսում

«Ալ Քաիդա» միջազգային ահաբեկչական ցանցի հետ կապված «Ջեբհաթ ան Նուսրա» խմբավորման գրոհայինները երեկ Սիրիայի հյուսիսում ազգությամբ քուրդ 450 խաղաղ բնակիչների են սպանել. տեղեկացնում է РИА Новости-ն` վկայակոչելով իրանական Press TV հեռուստաալիքը:

Հեռուստաալիքի տվյալներով` գրոհայինները կոտորած են իրականացրել Ռաքքա նահանգի Թալ Աբյադ շրջանում` սպանելով 330 կին ու ծեր եւ 120 երեխա:

Անցյալ չորեքշաբթի օրն էլ ծայրահեղականները գերի էին վերցրել 2 քրդական գյուղերի 220 բնակչի:

Սիրիայի քրդերի զինված խմբավորումների հրամանատարությունը երեկ քուրդ բնակչության համընդհանուր մոբիլիզացիա է հայտարարել ապստամբ գրոհայինների դեմ պայքարելու համար: Կոչն արվել է Սիրիայի հյուսիս-արեւելքում ականավոր քուրդ ակտիվիստի սպանությունից հետո: