Իսրայելը թարախապալար է, որը հարկավոր է հեռացնել. Իրանի նախագահ

Իրանի նորընտիր նախագահ Հասան Ռոհանին կոչ է արել ոչնչացնել Իսրայելը: Թեհրանում  Պաղեստինի օրվան նվիրված զանգվածային հանրահավաքի ընթացքում ելույթ ունենալով` նա հայտարարել է. «Հրեական պետությունը թարախապալար է իսլամական աշխարհի մարմնին, եւ այն հարկավոր է հեռացնել»: Այս ելույթից երեւում է, որ Իրանի նոր ղեկավարության վերաբերմունքը Իսրայելի հանդեպ չի տարբերվում նախորդ նախագահների վերաբերմունքից:

Ռոհանին իր պարտականությունների կատարմանը պաշտոնապես կանցնի օգոստոսի 3-ից` երբ հոգեւոր գերագույն առաջնորդ այաթոլլա Ալի Խամենեին հաստատի ընտրությունների արդյունքները: Հաջորդ օրը տեղի կունենա գործադիր իշխանության նոր ղեկավարի երդման արարողությունը, որին 1979 թվականի իսլամական հեղափոխությունից հետո առաջին անգամ օտարերկյա հյուրեր են հրավիրված. տեղեկացնում է ИТАР-ТАСС-ը: