Հալեպի համալսարանը Էրդողանին զրկել է պատվավոր դոկտորի կոչումից

Սիրիայի Հալեպ քաղաքի համալսարանի խորհուրդը հայտարարել է Թուրքիայի վարչապետ Ռեջեփ Թայիփ Էրդողանին միջազգային հարաբերությունների պատվավոր դոկոտրի կոչումից զրկելու որոշման մասին: Գիտական կոչումը Էրդողանը ստացել էր 2009 թվականին:

Համալսարանի ռեկտոր Հոդոր ալ Օրֆալին հայտարարել է, որ  այդ որոշմանը հանգել են` ստանալով համալսարանական, ակադեմիական, ուսանողական եւ հասարակական շրջանակների բազմաթիվ պահանջ-առաջարկներ. տեղեկացնում է Hurriyet-ը:

«Թուրքիայի վարչապետին պատվավոր դոկտորի կոչումից զրկելը Էրդողանի ներքին քաղաքականության դեմ պայքարող Թուրքիայի ժողովրդի հետ համերաշխության նշան է: Թուրք ժողովուրդը` ահա, թե ով է իսկապես արժանի այդ կոչմանը»,- ընդգծել է համալսարանի ռեկտորը: