Իտալիան՝ Կոնֆեդերացիաների գավաթի բրոնզե մեդալակիր

Բրազիլիայում ավարտված  Կոնֆեդերացիաների գավաթի խաղարկության երրորդ տեղի համար պայքարում էին Ուրուգվայն ու Իտալիան:

Իտալացիներն այս անգամ էլ հաղթողին պարզեցին 11 մետրանոցներով: Խաղի հիմնական ժամանակում մրցակիցները երկուական գնդակ էին ուղարկել միմյանց դարպասները:

Իտալացիներից աչքի ընկավ Դավիդե Աստորին՝  24-րդ րոպեին և  Ալեսանդրո Դիամանտին՝ 73-րդ րոպեին: Ուրուգվայցիներից  «Նապոլի»-ի  հարձակվող Էդինսոն Կավանին դուբլի հեղինակ դարձավ՝ դրանով իսկ խաղը տեղափոխելով լրացուցիչ ժամանակ: Սակայն գոլեր այլևս չգրանցվեցին:

11 մետրանոց հարվածաշարում փայլուն հանդես եկավ Ջիջի Բուֆոնը: Իտալացի դարպասապահը ետ մղեց Դիեգո Ֆորլանի, Մարտին Կասերեսի ու Վալտեր Գարգանոնի հարվածները:

Իտալիան նվաճեց առաջնության բրոնզե մեդալ: