Օգտագործել ֆուտբոլը` Թուրքիայի դեմքը ցույց տալու համար

Ուրուգվայի` մինչեւ 20 տարեկանների ֆուտբոլի ազգային հավաքականը Թուրքիայում մասնակցում է Աշխարհի առաջնության խաղերին: Այս կապակցությամբ Ուրուգվայի Հայ Դատի հանձնախումբը ստեղծել է «Որտեղ է խաղում Երկնագույնը» (www.dondejuegalaceleste.com) կայքէջը, որում Ուրուգվայի հասարակության եւ իշխանությունների ուշադրությունը եւս մեկ անգամ սեւեռելու է Թուրքիայում մարդկանց իրավունքների խախտումներին, Հայոց ցեղասպանության ուրացման քաղաքականության շարունակմանը:

Հայ Դատի հանձնախմբի համացանցային այս արշավը մեկնարկել է Ուրուգվայի հավաքականի առաջին խաղի օրը՝ հունիսի 24-ին, եւ արդեն երկրի մամուլը, հեռուստատեսությունն ու ռադիոն անդրադարձել են դրան եւ հարցազրույցներ ունեցել Հայ Դատի հանձնախմբի պատասխանատուների հետ: