Չինացիներն ազատ են արձակել ամերիկացի գործարարին

Արդեն հայտնել էինք, որ ամերիկյան Specialty Medical Supplies ընկերության համասեփականատեր և ղեկավար Չիպ Սթարնսը գերության մեջ էր հայտնվել: Նրան օրեր շարունակ պատանդ էին պահում նրա պեկինյան գործարանի աշխատակիցները, որոնք փոխհատուցում էին պահանջում` կապված աշխատանքից զանգվածային ազատումների հետ:

Ըստ Associated Press-ի` գործարարին հաջողվել է համաձայնության գալ աշխատակիցների հետ փոխհատուցման հարցում, և այժմ նա ազատության մեջ է:

Սթարնսը Պեկին էր ժամանել հունիսի 18-ին, որպեսզի հայտներ գործարանի մի բաժնի կազմալուծման մասին և փոխհատուցումներ ձևակերպեր: Մյուս բաժինների աշխատակիցները, ամենայն հավանականությամբ, հավատացել էին լուրերին, որ գործարանը փակվում է, և համանման փախհատուցում էին պահանջում:

Specialty Medical Supplies բժշկական սարքավորումներ է արտադրում: