ԱՄՆ-ը խնդրել է ՌԴ-ին արտահանձնել Սնոուդենին

ԱՄՆ իշխանությունները ակնկալում են ռուսական կողմից Կենտրոնական հետախուզական վարչության դավաճան աշխատակից Էդվարդ Սնոուդենի արտահանձնումը. հայտնում է Reuters-ը:

Ամերիկյան կողմն առաջարկել է Ռուսաստանին` դիտարկել Սնոուդենին ձերբակալելու և ԱՄՆ-ին արտահանձնելու բոլոր հնարավոր տարբերակները:

ԱՄՆ-ում Սնոուդենին մի շարք հոդվածներով մեղադրանք է առաջադրվել, մասնավորապես` լրտեսության և պետական միջոցների յուրացման մեղադրանքներ: 2013-ի հունիսի սկզբին Սնոուդենը, ով մինչ 2009 թվականը աշխատել է ԿՀՎ-ում, լրագրողներին PRISM գաղտնի ծառայության մասին տեղեկություններ է տրամադրել: PRISM-ը հնարավորություն է տալիս հատուկ ծառայություններին հեռախոսազրույցների գաղտնալսում իրականացնել: Գաղտնալսված զրույցների թվում էին նաև ՌԴ վարչապետ Դմիտրի Մեդվեդևի հեռախոսազրույցները: