Դոլչեն եւ Գաբանան դատապարտվեցին ազատազրկման

Իտալական դատարանը աշխարհահռչակ դիզայներներ Դոմենիկո Դոլչեին եւ Ստեֆանո Գաբանային դատապարտեց մեկ տարի 8 ամիս ազատազրկման հարկերի վճարումից խուսափելու համար. տեղեկացնում է France-Presse գործակալությունը:

Հետաքննության տվյալների համաձայն` 2004 թվականից սկսած` հանրահայտ Dolce & Gabbana բրենդի հիմնադիրները խեղաթյուրել են ֆինանսական հաշվետվությունները եւ կեղծել հարկային փաստաթղթերը, ինչի արդյունքում Իտալիայի պետական բյուջեն մոտ 1 մլրդ եվրո չի ստացել:

Դիզայներները դեռեւս 2 բողոքարկման իրավունք ունեն, ընդ որում` ոչ վատ շանսերով: Համենայն դեպս, ըստ իրավաբանների, հարկային սկանդալը կարող է տարիներ ձգվել: