Հովիկ Աբրահամյանի եղբայրը պետության հաշվին դիզվառելիք է գնել

«Առաջին լրատվական»-ի տեղեկություններով` Ազգային ժողովի նախագահ Հովիկ Աբրահամյանի եղբայրը՝ նախկին պատգամավոր Հենրիկ Աբրահամյանը, հայրենի Մխչյան գյուղից պետական աջակցության ծրագրի շրջանակներում անցած աշնանը ձեռք է բերել 35.000 լիտր կամ 35 տոննա դիզվառելիք: Նրա տղան՝ Հովհաննես Աբրահամյանը, ձեռք է բերել 12.900 լիտր կամ 12,9 տոննա դիզվառելիք:  Այսինքն՝ Հենրիկ և Հովհաննես Աբրահամյանները ձեռք են բերել մոտ 48 հազար լիտր դիզվառելիք, որի դիմաց պետությունը նրանց համար վճարել է մոտ 4 մլն 800 հազար դրամ: Այս տեղեկությունը «Առաջին լրատվական»-ի հետ հեռախոսազրույցում հաստատել  նաև Մխչյանի գյուղապետ Խաչիկ Պողոսյանը:

«Առաջին լրատվական»-ը նյութի հետ կապված մանրամասները կներկայացնի  ավելի ուշ: