Մնացեք` ստեղ արեք էդ բանվորությունը. Մհեր Սեդրակյանը` արտագաղթողներին

ԱԺ ՀՀԿ խմբակցության պատգամավոր Մհեր Սեդրակյանի կարծիքով` Հայաստանում մնալու համար քաղաքացուն պետք է ամսական 300 հազար դրամ:

«Գնում են, դրսում օր ու գիշեր աշխատում են, էդքան գումար աշխատում են, բայց դրա ծախսերը չեն, թե ինչ ծախսեր են անում, հետո դուրսը, ներսը տարբերությունը շատ ա: Առավոտից մինչեւ գիշեր աշխատում են, էդքան գումար էլի չեն աշխատում: Ինձ թվում ա ստեղ մնալ, արտագաղթ չանելն ավելի ճիշտ ա` քո տանը, քո աշխատածով»,- հայտարարեց նա:

Yerkir.am-ի դիտարկմանը, որ Հայաստանում նվազագույն աշխատավարձն այս պահի դրությամբ 35 հազար դրամ է, եւ դրանով ապրել հնարավոր չէ, ՀՀԿ-ական պատգամավորը հակադարձեց. «Հո չեն գնում ընդեղ նախարար կամ վարչության պետ աշխատում, գնում են բանվորության: Մնացեք, ստեղ արեք էդ բանվորությունը, ավելի ձեռ կտա ձեզ, քան թե գնաք դուրսը, ուրիշի համար էդքան աշխատեք եւ տանջվեք»: