Թե ինչպես կերտվեցին մայիսյան հաղթանակները

Մայիսյան հերոսամարտից ծնվեց Հայաստանի առաջին Հանրապետությունը, բայց պետք է հիշել, թե ինչպես ծնվեց այդ հաղթանակը. լրագրողներին այսօր ասաց ԵՊՀ պատմության ֆակուլտետի դեկան Էդիկ Մինասյանը` անդրադառնալով մայիսյան հերոսամարտին եւ առաջին հանրապետության կազմավորմանը:

Պատմաբանը մանրամասն ներկայացրեց, թե ինչ կազմերով, որքան թվաքանակով, ում գլխավորությամբ ու ինչ նպատակով էին Հայաստանի վրա հարձակվում թուրքերը, եւ նրանց դեմ ինչպիսի մարտավարություն ընտրեցին հայ զորահրամանատարները:

Մինասյանը մանրամասն բացատրեց, որ թուրքական առաջխաղացումն ուներ երեք ուղղություն, որոնցից մեկով թուրքերը ցանկանում էին գրավել Երեւանը եւ այդտեղով կապ հաստատել Բաքվի հետ, երկրորդով` գրավել Զանգեզուրը, այնտեղից անցնել Պարսկաստան ու այդ ուղղությամբ կապ հաստատել Միջին Ասիայի թյուրքական ժողովուրդների հետ, իսկ երրորդ ուղղությամբ` Ղազախով ու Կասպից ծովի հյուսիսային հատվածով միավորել այնտեղի մուսուլմաններին եւ այսպիսով իրականություն դարձնել Մեծ Թուրան կոչվող պետության ստեղծումը:

Էդիկ Մինասյանի մեկնաբանության մանրամասները` տեսանյութում: