Հասկանալու համար օձի խելք պետք չէ. Գագիկ Բեգլարյան

Այսօր ԱԺ-ում Yerkir.am-ը տրանսպորտի եւ կապի նախարար Գագիկ Բեգլարյանից հետաքրքրվել է, թե ինչու է խուսափում պատասխանել գազի հնարավոր թանկացման դեպքում երթուղային տաքսիների հնարավոր թանկացման վերաբերյալ հարցին: Բեգլարյանը նախ հայտարարեց, որ կառավարության անցած նիստի ավարտին չի խուսափել պատասխանել լրագրողներից մեկի այդ հարցին, հետո նշեց. «Միանշանակ, օձի խելք պետք չէ ունենալ` հասկանալու համար, որ գազի հնարավոր թանկացումն անդրադառնալու է բոլոր ոլորտների վրա, առավել եւս` տրանսպորտի: Ինչ-որ լրագրողներ ավելի խորը հարցեր տալու փոխարեն, պրիմիտիվ հարցեր են տալիս եւ իրենց թվում է, թե ես խուսափում եմ այդ հարցերին պատասխանելուց: Ես չեմ լսել, որ գազի հնարավոր թանկացման հետեւանքների վերաբերյալ հարց է հնչել, որ ասեի` օձի խելք պետք չէ հասկանալու համար, որ գազի այդ հնարավոր թանկացումը կանդրադառնա այլ ոլորտների վրա":