Զորավարժությունների ժամանակ տանկեր են պայթել

ՌԴ Ամուրի մարզի Եկատերինոսլավկա գյուղում զորավարժությունների ժամանակ 2 տանկ է պայթել. տեղեկացնում է РБК-ն:

Ըստ ականատեսների` ռազմական մեքենաներից մեկն այրվել է պարկի տարածքից դուրս գալուց անմիջապես հետո, այնուհետեւ պայթել է տանկի բաքը, հետո` զինամթերքը: Պայթյունի հետեւանքով վնասվել է նաեւ կողքից ընթացող տանկը:

Չճշտված տվյալներով` զոհեր եւ տուժածներ չկան: Այլ տեղեկությունների համաձայն` պայթել են ոչ թե տանկեր, այլ ուսումնական  մակետներ:

Պաշտպանության նախարարությունը դեռեւս մեկնաբանություններ չի տալիս: Պաշտոնական արձագանք չկա նաեւ արտակարգ իրավիճակների նախարարությունից: Սակայն տեղացիները ասում են, որ դեպի գյուղ ճանապարհը փակ է, դրանով շարժվում են փրկարարների ավտոմեքենաներ: