Լրագրողներին չեն թույլատրում նկարահանել Երևան-Սևան մայրուղում կատարվող իրադարձությունները

Երևան-Սևան մայրուղում, որտեղ տեղի է ունենում ՀՀ պաշտպանության նախարարի եւ մայիսի 15-ին Նոյեմբերյանի զինվորական տեղամասում զինծառայողի արձակած գնդակից մահացած զինվոր Լյուքս Ստեփանյանի հարազատների հանդիպումը, ոստիկանները խոչընդոտում են լրագրողների աշխատանքին` թույլ չեն տալիս նկարահանումներ կատարել:

Դեպքի վայրից «Երկիր մեդիայի» լրագրողը Yerkir.am-ին հայտնում է, որ իրենից վերցրել են տեսաերիզները: Մանրամասները կհաղորդենք ավելի ուշ:

Հիշեցնենք, որ սպանված զինվոր Լյուքս Ստեփանյանի դին, որպես բողոքի նշան, հարազատները բերում են Երեւան` պաշտպանության նախարարից ճշմարտությունը պահանջելու, սակայն Լճաշենի մոտ` Մարտունու նորակառույց ճանապարհի եւ Սեւանի ավտոմայրուղու հատման հատվածում, ոստիկանության ու ՌՈ աշխատակիցները փակել են Մարտունի-Երեւան ճանապարհն ու չեն թույլատրում նրանց առաջ գնալ:

Դեպքի վայր են ժամանել պաշտպանության նախարար Սեյրան Օհանյանը և ոստիկանապետ Վլադիմիր Գասպարյանը: