ՀՀԿ քարոզարշավը՝ զորամասերում

ՀՀԿ-ն շարունակում է «նախընտրական» քարոզչությունը: Դեռեւս ամբողջությամբ չեն վերացվել 2012 թվականի խորհրդարանական ընտրությունների նախընտրական շտաբները:

Ամենաանընդունելին ոչ թե այն է, որ այդ շտաբները մինչ հիմա գործում են, այլ այն, որ դրանք տեղակայված են եղել նաեւ զորամասերին կից:  ՀՀԿ նախընտրական շտաբի` «Հավատանք, որ փոխենք» կարգախոսով պաստառը փակցված է Երեւանում`  Քանաքեռի զորամասի անմիջապես դիմաց:

ՀՀ ընտրական օրենսգրքի 18-րդ հոդվածի 6-րդ մասի երկրորդ ենթակետով` արգելվում է նախընտրական քարոզչություն կատարել և ցանկացած բնույթի քարոզչական նյութ տարածել զինծառայողներին: Իսկ զորամասի դիմաց նման շտաբի առկայությունն արդյո՞ք ոչինչ չի ասում: