ՀՀԿ քարոզարշավը՝ հին մեթոդներով. ''Ժողովուրդ''

Երեկ Երեւանի Խաչատուր Աբովյանի անվան մանկավարժական համալսարանի մի քանի ուսանողներ զանգահարել են «Ժողովուրդ» օրաթերթի խմբագրություն եւ պատմել, որ բուհից իրենց հրահանգել են ժամը 16:30-ին լինել կառավարության շենքի մոտ: «Կգաք, կիմանաք: Եթե չգաք, խնդիրներ կունենաք»,- այսպիսի ձեւակերպմամբ են ուսանողները բերման ենթարկվել նշված վայր:

«Ինչպես եւ սպասվում էր, նախաձեռնությունը ՀՀԿ-ինն էր, սակայն այս անգամ նախընտրական հանրահավաքի տանելու փոխարեն ՀՀԿ-ն ուսանողների «գլխաքանակով» անց է կացրել հանդիպում ընտրությունների մասին: Այսպիսով՝ պետք է արձանագրել, որ ՀՀԿ- ականները առաջադիմել են. նրանք ուսանողներին «լավով» են բացատրել, թե ինչպես պետք է ճիշտ ընտրություն կատարեն: Հիշեցնենք, որ Մանկավարժական համալսարանի խորհրդի նախագահը ՀՀ վարչապետ Տիգրան Սարգսյանն է»,- գրում է օրաթերթը: