Ափսոս, որ Բրազիլիայի երկրպագուներն անընդհատ սուլում են. Տյագո Սիլվա

Բրազիլիայի հավաքականի  երկրպագուները դարձյալ դատապարտել են բրազիլական  «Սանթոս»-ի հարձակվող Նեյմարին: Նրանք շատ դժգոհ են Չիլիի հետ ընկերական հանդիպումում (2:2) ֆուտբոլիստի ցուցադրած խաղից: Չնայած ֆուտբոլիստը դարձել է գոլի հեղինակ, երկրպագուները սուլոցներով են ընդունել ինչպես նրան, այնպես էլ ամբողջ թիմին:

Բրազիլիայի ազգային հավաքականի պաշտպան Տյագո Սիլվան պաշտպանել է իր թիմակից Նեյմարին. «Ափսոս, որ Բրազիլիայի ազգային հավաքականի երկրպագուները  սուլոցներով են ընդունում երկրի լավագույն ֆուտբոլիստներից մեկին: Դա ցավալի է ինձ համար,  բայց ես գիտեմ, թե  որքան դժվար է խաղալ Բրազիլիայի հավաքականում»,- Սիլվայի խոսքերն է մեջբերում championat.com-ը: