Տարոն Մարգարյան արհամարհեց լրագրողներին

Գործող քաղաքապետ, Երեւանի ավագանու ընտրություններում ՀՀԿ համամասնական ցուցակը գլխավորող Տարոն Մարգարյանը նախընտրական քարոզարշավի շրջանակներում այսօր Քանաքեռ-Զեյթուն վարչական շրջանում էր: Այս անգամ եւս Տարոն Մարգարյանն ակնհայտորեն խուսափեց շփվել լրագրողների հետ:

Հիշեցնենք, որ դեռ օրեր առաջ Yerkir.am-ը տեղեկացրել էր, որ ՀՀԿ վերնախավում գործող քաղաքապետին հորդորել են որքան հնարավոր է խուսափել լրագրողների հարցերին պատասխանելուց` կիքսերից խուսափելու եւ ժողովրդի զայրույթն ավելի չբորբոքելու համար:

Ներկայացնում եք Yerkir.am-ի թղթակցի համառ ջանքերը Տարոն Մարգարյանից պարզել, թե ընդունո՞ւմ է ՀՅԴ-ի` իր հետ բանավիճելու առաջարկը: